Marinela, aktualisht, është lektore e fizikës pranë Fakultetit të Shkencave Mjekësore Teknike në Western Balkans University, Tiranë.
Marinela Gjestila ka studiuar Fizikë në Fakultetin e Shkencave Natyrore të Universitetit të Tiranës, ku është diplomuar në vitin 2014. Më tej, ajo u bë pjesë e një programi të dyfishtë masteri, midis Fakultetit të Shkencave të Natyrës në Universitetin e Tiranës dhe Universitetit të Ferrarës, Itali.
Pas studimeve master, Marinela iu bashkua Laboratorit Fotovoltaik të Universitetit të Ferrarës, ku kontribuoi për një vit. Duke u mbështetur në këtë përvojë, ajo nisi programin e doktoraturës në nëntor të vitit 2018, brenda të njëjtit grup kërkimor shkencor, ne Universitetin e Ferrarës, Itali, duke u diplomuar në qershor 2022. Kërkimi i saj i doktoraturës u përqendrua në studimin e shpërhapjes së dritës brenda një fotobioreaktori algal dhe dizenjimin e një sensori optik për matjen e shpërhapjes spektrale të dritës në brendësi të këtij fotobioreaktori.
