Pse të zgjidhni këtë program?
- Arsimim me standarte europiane
Programi i Integruar i Ciklit të Dytë, Master i Shkencave në “Stomatologji” ofron një program të integruar 5-vjeçar që kombinon njohuritë bazë të shkencave mjekësore me trajnimin klinik duke ndjekur modelet dhe standardet akademike të Bashkimit Europian.
- Formim profesional dhe praktik klinik
Studentët angazhohen që në vitet e para të studimeve me aktivitete praktike dhe klinike, të zhvilluara në ambiente moderne nën mbikëqyrjen e ngushtë të mjekëve stomatologë me përvojë. Praktikat përfshijnë punë me pacientë, duke filluar me procedura bazë dhe duke avancuar gradualisht drejt trajtimeve të ndërlikuara në të gjitha fushat e stomatologjisë si: kirurgjia orale, protetika, ortodoncia dhe periodontologjia. Ky angazhim i hershëm praktik u mundëson studentëve të zhvillojnë aftësi teknike dhe etikë në marrëdhëniet me pacientët.
- Teknologji moderne dhe ambiente bashkëkohore
Programi zhvillohet në laboratorë dhe klinika moderne, të pajisura me teknologji dixhitale, sisteme CAD/CAM dhe mjete të avancuara që pasqyrojnë realitetin e klinikave dentare aktuale.
- Staf akademik i kualifikuar
Leksionet dhe praktikat zhvillohen nga profesorë me përvojë ndërkombëtare në fushën e stomatologjisë, të cilët sjellin në auditor jo vetëm njohuritë më të fundit shkencore dhe klinike, por edhe përvojën e tyre nga universitetet dhe institucionet më prestigjioze në Evropë dhe më gjerë. Përveç mësimdhënies, ata ofrojnë ndihmë në orientimin profesional, mbështetje për kërkime shkencore dhe përgatitje për specializime të mëtejshme brenda dhe jashtë vendit. Ky angazhim krijon një marrëdhënie të afërt mes studentëve dhe pedagogëve, duke nxitur rritjen akademike dhe zhvillimin e një karriere të suksesshme në stomatologji.
- Diplomë e njohur dhe mundësi të shumta pas studimeve
Diploma e PIND Stomatologji është e vlefshme për ushtrimin e profesionit në vend dhe në shumë vende të tjera europiane (sipas rregullave të njohjes dhe pajisjes me licencë), si dhe krijon bazë të fortë për specializime të mëvonshme.
- Fokus në etikë, komunikim dhe kujdes ndaj pacientit
Përveç aftësive teknike dhe klinike, programi i kushton rëndësi të veçantë zhvillimit të etikës profesionale si dhe komunikimit efektiv me pacientët dhe kolegët.Studentët mësohen të veprojnë me integritet, empati dhe profesionalizëm në çdo situatë klinike, duke u përgatitur jo vetëm si specialistë të aftë, por edhe si figura kyçe në promovimin e shëndetit oral dhe edukimin shëndetësor. Ky formim gjithëpërfshirës ndihmon në ndërtimin e një profili të balancuar midis ekspertizës shkencore dhe përkushtimit human.
Çfarë ofron Universiteti Western Ballkans
- Kurrikulë ndërkombëtare
PIND Stomatologji në Universitetin Western Balkans është një program i integruar, i cili ofron një përzierje të njohurive teorike dhe praktike, të cilat përgatitin studentët për të vepruar në fushën e stomatologjisë, duke përfshirë trajtime stomatologjike të përgjithshme dhe specializime si ortodoncia, periodontologjia dhe kirurgjia orale.
- Trajnim klinik dhe praktikë intensive
Një aspekt i rëndësishëm i programit është përfshirja e studentëve në praktikat klinike që nga vitet e para të studimeve. Ata do të punojnë në klinika moderne dhe laboratorë të pajisur me teknologji të fundit për të zhvilluar aftësitë e tyre profesionale, duke u mbikëqyrur nga stomatologë dhe specialistë të njohur ndërkombëtarisht.
- Mjedis ndërkombëtar dhe mundësi për kërkime
Ky program është zhvilluar me standarde të larta ndërkombëtare dhe ofron mundësi për të marrë pjesë në kërkime shkencore, me mundësi të shkëlqyera për t’u angazhuar në projekte të zhvillimit të teknologjive dhe metodave të reja në stomatologji. Stafi akademik ka përvojë ndërkombëtare dhe ofron mbështetje për zhvillimin e karrierës së studentëve.
- Infrastrukturë dhe mundësi ndërkombëtare
Universiteti ofron infrastrukturë moderne, duke përfshirë klinika dhe laboratorë të pajisur me pajisje të fundit për trajtimin dhe diagnostikime me klinikën dentare në kampus, laboratorë simulimi dhe pajisje CAD/CAM. Po ashtu, studentët mund të përfitojnë nga mundësitë për të studiuar jashtë vendit ose për të marrë pjesë në programet Erasmus +, duke rritur mundësitë për punësim ndërkombëtar.
Gjatë studimeve, studentët arrijnë të kenë njohuri në vitet përkatëse duke u përqëndruar në:
Viti i parë i studimeve: Konceptet bazë në shkencat mjekësore
Viti i parë i studimeve në stomatologji është i përqendruar në ndërtimin e një baze të fortë shkencore, duke u fokusuar në konceptet themelore që mbështesin fushën e stomatologjisë. Studentët mësojnë shkencat mjekësore bazë, përfshirë biologjinë, kimikën, fiziologjinë dhe anatominë, të cilat janë të domosdoshme për kuptimin e trupit të njeriut dhe funksionimin e tij. Ky vit shërben për të krijuar një kuptim të thellë të anatomisë së gojës, zhvillimit të dhëmbëve, dhe proceseve të shëndetit oral, duke i përgatitur studentët për hapat klinikë dhe praktikat stomatologjike që vijnë në vitet e mëvonshme.
Viti i dytë i studimeve: Nga Teoria në praktikën klinike dhe teknikat paraklinike
Në vitin e dytë, studentët e stomatologjisë fillojnë të kalojnë nga studimet e shkencave bazë në lëndë më të orientuara klinikisht, ku ata nisin të aplikojnë njohuritë e fituara në vitin e parë në kontekstin stomatologjik. Studentët mësojnë teknikat bazë të përgatitjes dhe restaurimit të zgavrave, një aftësi thelbësore për trajtimin e dhëmbëve të dëmtuar. Ata gjithashtu nisin të studiojnë protetikën paraklinike, që i ndihmon ata të kuptojnë proceset dhe teknikat që lidhen me protezat e lëvizshme dhe fikse.
Viti i tretë i studimeve: Trajtimi i Pacientëve
Studentët e vitit të tretë të stomatologjisë në përgjithësi fillojnë trajnimin klinik dhe kalojnë më shumë kohë në klinikat dentare duke trajtuar pacientë të vërtetë nën mbikëqyrje. Ky vit shënon një ndryshim të madh nga teoria dhe simulimi në praktikën e botës reale.
Viti i katërt i studimeve: Menaxhimi i rasteve komplekse dhe përvetësimi i aftësive klinike
Studentët e vitit të katërt të stomatologjisë janë thellësisht të zhytur në praktikën klinike, shpesh duke trajtuar një gamë të gjerë pacientësh realë dhe duke menaxhuar raste gjithëpërfshirëse.
Viti i pestë i studimeve: Aftësitë klinike dhe hapat e parë në karrierën profesionale
Studentët janë në vitin e tyre të fundit të programit universitar në stomatologji. Ky vit është shumë i fokusuar në aftësinë klinike, gatishmërinë profesionale dhe përgatitjen për provimet e diplomimit dhe licencimit.
-featured_image.png)
