Eriona Petro është lektore dhe kërkuese shkencore në fushën e shëndetit publik, farmakoepidemiologjisë dhe politikave farmaceutike, me fokus të veçantë në aksesin ndaj barnave esenciale dhe barnave pediatrike. Në Western Balkans University, ajo angazhohet në mësimdhënie dhe në zhvillimin e aktiviteteve akademike dhe kërkimore, duke ndërthurur kërkimin shkencor me përvojë të gjerë institucionale në menaxhimin e sistemeve shëndetësore dhe sigurimin e cilësisë.

Ajo ka përfunduar studimet Master në Farmaci në Universitetin e Tiranës dhe është në përfundim të doktoraturës  në Politika dhe Çështje Rregullatore Farmaceutike pranë WHO Collaborating Centre for Pharmaceutical Policy and Regulation, Utrecht University, Holandë. Ajo është gjithashtu Fellow e International Society for Quality in Health Care (ISQua) dhe ka shërbyer si eksperte e jashtme për akreditimin e institucioneve shëndetësore, duke kontribuar në vlerësimin e standardeve të cilësisë dhe sigurisë në kujdesin shëndetësor.

Interesat e saj kërkimore përfshijnë politikat farmaceutike, vlerësimin e listave të barnave thelbësore dhe të rimbursimit, aksesin e barnave, si dhe përdorimin e metodologjive të Organizatës Botërore të Shëndetësisë dhe treguesve të Objektivave të Zhvillimit të Qëndrueshëm (SDG 3.b.3) në analizën e sistemeve shëndetësore. Ajo ka ndjekur trajnime të avancuara profesionale në farmakoepidemiologji, siguri barnash, politika farmaceutike, financim shëndetësor dhe shëndet publik, të zhvilluara nga institucione prestigjioze ndërkombëtare si Universiteti i Utrecht-it, Organizata Botërore e Shëndetësisë dhe SSPH+ Lugano. Ajo është autore dhe bashkautore e publikimeve shkencore në revista ndërkombëtare.