Z. Klodian Shehi zotëron një karrierë të gjatë në Media dhe Shtëpi Botuese si Redaktor, si dhe Pedagog në Universitet për Media dhe Komunikim. Ai është diplomuar në Gazetari, Në Universitetin e Tiranës në Fakultetin e Historisë dhe Filologjisë. Zotëron gjithashtu Master në Shkenca Politike dhe Marrëdhënie Ndërkombëtare në Universitetin Epoka. 2013 e në vazhdim z. Shehi është kandidat për Doktoraturë, në Universitetin e Tiranës, në Fakultetin e Histori- Filologji. 

Ai ka punuar si redaktor në Shtëpinë Botuese ‘’Prizmi’’, kryeredaktor dhe Drejtor Ekzekutiv i Shtepisë Botuese “Zambaku”, drejtor i revistës javore “Java”, kryeredaktor dhe drejtor i revistës online www.gazetastart.com. Përsa i përket eksperiencave të tij në fushën e pedagogjisë, z. Shehi ka punuar si pedagog në Universitetin “Hëna e Plotë Beder”, si dhe përgjegjës i “Zyrës së Marrëdhënieve me Jashtë” po në Universitetin “Hëna e Plotë Beder”.  Ai ka mbajtur dhe rolin e drejtorit operacional në Shoqërinë “Kilic Aquakulturë Albania sh.a” dhe në vitet 2016-2019 drejtor ekzekutiv i “Diavita sh.p.k”. 

Në vitin 2019 ai iu bashkua kompanisë Diaverum në rolin e Menaxherit për Shqipërinë në vitin 2019, pasi Diaverum bleu 5 klinika. Përveç këtij roli ai gjithashtu ishte dhe Drejtor Operacional i kësaj kompanie.