Menaxhimi i Përshtypjes së Parë: Komunikimi Formal në Botën Profesionale

Western Balkans University organizon një sesion në kuadër të Serisë së Trajnimeve të Karrierës me temë “Komunikimi Formal”, i cili synon të forcojë aftësitë e komunikimit profesional të studentëve.

Në një treg pune gjithnjë e më konkurrues, komunikimi përfaqëson më shumë sesa fjalë, ai është përshtypja e parë dhe një element kyç në zhvillimin e karrierës. Ky trajnim do të fokusohet në mënyrën se si individët mund të prezantojnë veten me besim, qartësi dhe profesionalizëm në situata të ndryshme profesionale.

Pjesëmarrësit do të përfitojnë njohuri praktike mbi menaxhimin e intervistave, përmirësimin e komunikimit verbal dhe joverbal, si dhe zhvillimin e aftësive për të spikatur në tregun e punës.