WBU merr pjesë në 77-vjetorin e Ditës së Republikës së Indisë

Western Balkans University pati nderin e veçantë të përfaqësohej në pritjen zyrtare me rastin e 77-vjetorit të Ditës së Republikës së Indisë, një ngjarje që vë në pah vlerat themelore të këtij vendi, historinë dhe trashëgiminë e pasur kulturore. Aktiviteti reflektoi gjithashtu miqësinë e qëndrueshme dhe bashkëpunimin në rritje mes Indisë dhe Shqipërisë, të ndërtuar mbi respekt të ndërsjellë dhe angazhim për forcimin e lidhjeve mes komuniteteve.

Në këtë aktivitet mori pjesë Rektori i WBU, Prof. Dr. Ferdinand Gjana, i cili përcolli urimet dhe përgëzimet më të sinqerta për Sh.T.Z. z. Ravindra Prasad Jaiswal, Ambasador i Indisë në Shqipëri, si dhe znj. Amrita Jaiswal. Western Balkans University shpreh mirënjohjen e thellë për ftesën dhe mikpritjen e ngrohtë.

Si institucion akademik, WBU është krenare të kontribuojë në forcimin e kësaj marrëdhënieje përmes arsimit dhe shkëmbimeve kulturore. Universiteti është veçanërisht i nderuar të jetë universiteti i parë në Shqipëri që mirëpret një komunitet studentësh indianë, duke pasuruar jetën universitare me perspektivat, kulturën dhe kontributin e tyre, si dhe duke forcuar më tej urën e miqësisë mes dy vendeve.