Programi Bachelor në Teknik Laboratori, i ofruar nga Fakulteti i Shkencave Mjekësore Teknike, përgatit studentët për t’u bërë kontribues të rëndësishëm në kujdesin ndaj pacientit nëpërmjet diagnostikës së saktë dhe shkencës laboratorike. Teknikët e laboratorit luajnë një rol themelor në sistemin e kujdesit shëndetësor, duke ofruar të dhëna kritike që mbështesin diagnostikimin, trajtimin, parandalimin e sëmundjeve dhe monitorimin e vazhdueshëm të pacientëve.
Teksa kujdesi shëndetësor ecën përpara dita-ditës me përparimet në shkencë dhe teknologji, ky program është projektuar për të përmbushur kërkesën në rritje për profesionistë të kualifikuar, të aftë të punojnë në vijën e parë të fushës së diagnostikës. Kurrikula thekson si bazat teorike, ashtu edhe praktikën klinike. Kështu sigurohet zhvillimi i aftësive të forta analitike dhe i ekspertizës teknike.
Gjatë këtij programi 3-vjeçar, studentët trajnohen nga ana klinike në laboratorë modernë pranë Universitetit Western Balkans, duke punuar së bashku me specialistë të shkencave klinike e mjekësore. Në këtë mënyrë, përfitojnë përvojë praktike në fusha të ndryshme si kimia klinike, hematologjia, mikrobiologjia, parazitologjia, virologjia, imunologjia, histologjia, mjekësia transfuzionale, si dhe në disiplina në zhvillim e sipër, si mjekësia bërthamore dhe eksperimentale.
Programi gjithashtu zhvillon aftësi thelbësore të komunikimit shkencor, mendimit kritik dhe metodologjisë kërkimore, duke i përgatitur studentët të përballojnë me sukses mjediset klinike komplekse. Falë këtyre aftësive, studentët qasen si profesionistë të rinj me kontribut domethënës në ekipet ndërdisiplinore të kujdesit shëndetësor.
Të diplomuarit aftësohen të punojnë në laboratorë diagnostikues modernë, spitale, institucione kërkimore dhe organizata të shëndetit publik, si në Shqipëri ashtu edhe jashtë vendit. Me një bazë të fortë njohurish shkencore dhe etike, ata përmbushin jo vetëm rolin e tyre si profesionistë të besueshëm, por edhe si novatorë të ardhshëm në fushën e mjekësisë laboratorike.
