PhD(c) Qëndresa Istrefi është Asistent Lektore e Kimisë në Fakultetin e Shkencave Teknike Mjekësore, Western Balkans University. Ajo është pjesë e stafit akademik në Departamentin e Farmacisë, ku ligjëron Kimi Organike dhe Kimi të Përgjithshme në programet Cikli i Dytë i Integruar në Mjekësi, Cikli i Dytë i Integruar në Farmaci, Bachelor në Inxhinieri Biomjekësore, Bachelor në Bioteknologji dhe Bachelor në Teknik Dentar. 

Qëndresa Istrefi ka përfunduar studimet Bachelor në Kimi dhe Master në Kimi Organike në Universitetin e Prishtinës. Gjatë studimeve të saj Master, ajo kaloi një vit në Gjermani, duke studiuar në Leipzig University dhe Justus Liebig Giessen University, ku fitoi përvojë të avancuar laboratorike në sintezë organike. Ajo e përfundoi kërkimin për tezën e Masterit në Sakarya University në Turqi, me fokus në kiminë organike eksperimentale dhe të aplikuar.

Ajo aktualisht është kandidate e vitit të tretë të doktoraturës në programin Kimi e Aplikuar, në Fakultetin e Shkencave të Natyrës, Universiteti i Tiranës. Kërkimi i saj doktoral fokusohet në “Përcaktimin e fosfateve dhe nitriteve të përdorura si aditivë në ushqimet me origjinë shtazore dhe vlerësimin e rreziqeve të tyre potenciale për shëndetin e njeriut”. Puna e saj shkencore synon të ndërthurë kiminë analitike dhe atë të aplikuar në kontekstin e sigurisë ushqimore dhe farmaceutike. Ajo ka kontribuar me disa botime shkencore dhe ka paraqitur kërkimin e saj në konferenca ndërkombëtare, përfshirë studimet mbi sulfonamidet që inkorporojnë bioizostere ketene N,S-acetal si inhibitorë potent të karboanhidrazës dhe acetilkolinesterazës, të cilat kanë treguar aktivitet të mundshëm në shënjestrimin e izoformave hCA dhe shprehjes së AChE të lidhura me disfunksione metabolike te sëmundja e Alzheimerit.

Interesat e saj kryesore kërkimore përfshijnë sintezën organike, kiminë ushqimore, kiminë analitike dhe produktet farmaceutike. Ajo gjithashtu ka përvojë në mësimdhënien parauniversitare dhe atë universitare.