EPIC

Universiteti Western Balkans synon të jetë një universitet i gjeneratës së katërt. Krahas arsimit cilësor, kërkimit shkencor të thelluar dhe përdorimit të frytshëm të njohurive të fituara, universiteti është i përkushtuar të jetë pjesë proaktive e zhvillimit ekonomik në vend dhe më gjerë. Education Practice -Integrated Curriculum (EPIC) është një projekt që i përshtatet më së miri këtij vizioni.

Ky projekt është më i rëndësishmi i “Western Balkans University”, i dedikuar formësimit cilësor të studentëve të tij. Nëpërmjet këtij projekti, përveç formimit akademik në auditoret e universitetit, studentët e “Western Balkans University” do të kenë mundësinë të kryejnë praktikë profesionale në kompani të ndryshme që bashkëpunojnë me universitetin. Këto praktika do të ndihmojnë në përforcimin e njohurive të marra në klasa, zhvillimin e aftësive profesionale, grumbullimin e përvojës dhe përgatitjen e profesionistëve cilësorë dhe proaktivë për tregun vendas dhe të huaj.

Objektivat
Një nga objektivat kryesore i këtij projekti është krijimi i një modeli të ri edukimi në arsimin e lartë në bashkëpunim me spitalet private më prestigjoze në vend të titulluar “EPIC” (Education-Practice Integrated Curriculum).

Përfituesit
Studentët e Universitetit Western Balkans me një mesatare më të lartë se 7 (shtatë) që studiojnë në një nga programet e mëposhtme mund të përfitojnë nga të qenit pjesë e projektit EPIC.

Përfitimet
Eksperienca e punës
Praktikë pune aktive duke filluar në semestrin e parë të vitit të parë të studimit. Programi synon të përfitojë nga një student një përvojë pune prej 20 orë në javë duke filluar nga semestri i parë i studimeve Bachelor.
Garantimi i punësimit
Të diplomuarit e Universitetit Western Balkans përmes programit mund të punësohen në kompanitë partnere ku kanë zhvilluar praktika me pagesë gjatë tre viteve të studimit.

Zyra e projektit EPIC luan një rol shumë të rëndësishëm në koordinimin e të gjitha proceseve dhe procedurave të këtij projekti. Zyra bën kontakte me institucionet ku do të realizohet projekti, organizon procesin e aplikimit të studentëve, mbledhjen e dokumentacionit, organizimin e intervistave të aplikantëve etj. Në këtë zyrë nuk mungon bashkëpunimi me departamentet përkatëse për ndarjen e informacionit për ecurinë të praktikave dhe mundësimit të komunikimit ndërmjet institucioneve.

Të gjithë studentët e vitit të parë me notë mesatare mbi 7 (shtatë) në programet Bachelor në listën e mësipërme mund të aplikojnë për praktika të paguara në kuadër të projektit “EPIC”. Studentët e interesuar duhet të kenë performancë të shkëlqyer akademike, aftësi të mira komunikimi, njohuri të mira të gjuhës angleze, aftësi organizative, kompetenca të punës ndërpersonale dhe në grup, pjesëmarrje në aktivitete jashtëshkollore dhe jetë studentore universitare.
Për të siguruar suksesin e këtij projekti, studentët përzgjidhen përmes një procesi të kujdesshëm, i cili përbëhet nga dy faza: aplikimi dhe intervista.