Transfero studimet | Western Balkans University
language-flag language-flag
APLIKO PËR BURSË
Transfero studimet

Bëhu pjesë e WBU

Kreu >Transfero studimet

Aplikimet për transferim ndërmjet departamenteve të universitetit “Western Balkans”, do të kryhen në bazë të kritereve të vendosur nga Senati i Universitetit. Aplikimet e transferimeve nga institucionet e tjera të arsimit të lartë, për të njëjtën program studimit, do të kenë kriterin e notës mesatare jo me pak se nota 7 (koeficienti 2.00). Që studenti të ketë mundësi të transferojë studimet në universitetin “Western Balkans” ai duhet të ketë fituar jo më më pak se 30 kredite në programin përkatës të studimit. Në të kundërt ai /ajo mund të fillojë studimet nga e para , duke ndjekur procedurat në hyrje të përcaktuara në kreun VI të rregullores së Statutit të universitetit.

Fakulteti mund t’i njohë studentit kreditet e fituara ose një pjesë të tyre në përputhje me procedurën e njohjes dhe ekuivalentimit të lëndëve. Nivel i njohurisë së gjuhës angleze duhet të jetë prej të paktën B1 sipas CEFR marrë nga APTIS, IELTS, TOEFL, TOEIC, Cambridge ESOL, Michigan Test, PTE General.
Kur mund të bëj transferim në WBU?
Procedurat për transferimin e studimeve fillojnë të paktën tre muaj para fillimit të vitit akademik dhe përfundojnë një javë para fillimit të vitit akademik.

Proçedurat e transferimit

1

Studentët të cilët do të transferohen, duhet të plotësojnë dhe dorëzojnë formularin dhe dokumentat përkatëse në Sekretarinë Mësimore.

2

Aplikimet pasi shqyrtohen nga departamenti dhe Këshilli i Administrimit të Fakultetit përkatës, i kalohen Këshillit të Administrimit të universitetit për miratimin përfundimtar.

Aplikanti për transferim studimesh nuk duhet të jetë duke ndjekur në të njëjtën kohë një program tjetër studimi.

Dokumentet e transferimit - Bachelor

Për aplikim për transferim në ciklin e parë Bachelor dhe në programet e integruara të ciklit të dytë, aplikanti dorëzon këto dokumenta:

  • Fotokopje ID/pasaportë
  • Planin mësimor dhe programet e lëndëve moduleve ku aplikanti ka marrë me rezultat kalues
  • Vërtetim të listës së notave dhe krediteve
  • Fotokopje e noterizuar e Diplomës së Maturës Shtetërore bashkë me listën e Notave (kandidati që ka mbaruar arsimin e mesëm në vend përpara vitit 2011, dorëzon fotokopjen e noterizuar të dëftesës së pjekurisë, në mungesë një dublikatë e vërtetuar nga DAR/ZA)
  • Dy fotografi
  • Mandat pagesa për tarifën e aplikimit të kryer në WBU

Dokumentet e transferimit - Master

Për aplikim për transferim në ciklin e dytë Master, aplikanti dorëzon këto dokumenta:

  • Fotokopje ID/pasaportë
  • Fotokopje e noterizuar diplomës së ciklit të parë e noterizuar / fotokopje e diplomës së ciklit të parë përfunduar jashtë shtetit dhe dokumenti zyrtar i njohjes së diplomës në RSH
  • Fotokopje e noterizuar e diplomës së Maturës Shtetërore + Çertifikatë e notave, e konfirmuar nga DAR/ZA; kandidatët që kanë përfunduar shkollën e mesme para VKM 876/2010 dhe VKM 78/2006 duhet të kenë fotokopje të noterizuar të Dëftesës së Pjekurisë, konfirmuar nga DAR/ZA, në mungesë një dublikatë e vërtetuar nga DAR/ZA
  • Plani mësimor i programit të studimit i ciklit të dytë dhe programet e lëndëve moduleve ku aplikanti ka marrë me rezultat kalues
  • Vërtetim i listës së notave dhe krediteve për ciklin e dytë
  • Dy fotografi
  • Curriculum Vitae (CV)

Ku duhet të dorëzohet dokumentacioni i nevojshëm?

Dokumentacioni mund të dorëzohet paraprakisht në mënyrë digjitale në emailin e mëposhtëm, por duhet dhe të dorëzohet fizikisht në Zyrën e Pranimeve pranë WBU.

Zyra e Pranimeve
Telefon 1: +355 67 60 20 600
Telefon 2: +355 67 40 20 600
Email: [email protected]

APLIKO TANI