Inxhinieri Softuerike

Bachelor në Inxhinieri Softuer është një program studimi i ofruar nga Fakulteti i Ekonomisë, Teknologjisë dhe Inovacionit.

Ky program studimi është hartuar për të ofruar mundësi unike në zhvillimin e aftësive profesionale dhe teknike. Duke patur parasysh natyrën gjithëpërfshirëse të procesit të zhvillimit të softuerit, studentët do të marrin njohuri teorike dhe praktike mbi sistemet operative, programimin në ueb, bazat e të dhënave dhe aplikacioneve të ndryshme softuerike.

 

Bachelor në Inxhinieri Softuer synon të përgatisë profesionistë për të përballuar nevojat, sfidat dhe dinamikat e tregut të teknologjisë në të ardhmen. Ky program studimi ofron kompetenca gjithëpërfshirëse shkencore, praktike dhe të zbatueshme që nevojiten për t'u bërë ekspert në fushën e zhvillimit të softuerit, backend dhe frontend. Gjithashtu, ofrohen njohuritë e nevojshme në sistemet kompjuterike, gjuhët e programimit, strukturat e të dhënave, algoritmet, bazat e të dhënave, sistemet operative, ndërveprimin njeri-kompjuter, inxhinierinë e uebit, rrjetet kompjuterike, siguria kibernetike dhe administrimi i serverave. 

 

Misioni i programit të studimit Bachelor në Inxhinieri Softuer është përgatitja e studentëve për të patur një karrierë të suksesshme në inxhinieri softuerike dhe mundësitë e të mësuarit praktik për të zbatuar njohuritë për të zgjidhur problemet e jetës së përditshme. Qëllimi i programit është të ofrojë edukim profesional në inxhinierinë softuerike dhe të përgatisë të diplomuarit të aftë për të patur karrierë të suksesshme në industri, dhe kompani në sektorin publik ose privat.