Profesor / Profesor i Asocuar me kohë të plotë në Departamentin e Infermierisë dhe Fizioterapisë në degën Infermieri

 Rreth Universitetit “Western Ballkans”
Universiteti “Western Balkans” (WBU) është një institucion i arsimit të lartë në Tiranë, me fokus të veçantë në Mjekësi, Shkenca Mjekësore, Teknologji, Ekonomi dhe Inovacion.

• Vizioni: Të ketë një ndikim transformues në shoqëri përmes inovacionit të vazhdueshëm në kërkime, arsim dhe sipërmarrje.
• Misioni: Të krijojë një përvojë arsimore transformuese për studentët, duke ofruar njohuri të thella disiplinore, aftësi udhëheqëse, komunikim dhe mirëqenie personale.

Përshkrimi i Pozicionit
Universiteti “Western Balkans” kërkon të angazhojë një Profesor / Profesor i Asocuar me kohë të plotë në degën e Infermierisë, për të ofruar mësim dhe mbështetje akademike për studentët e degës së Infermierisë. Kandidati do të angazhohet në mësimdhënie, zhvillim kurrikular, mbikëqyrje të praktikave klinike dhe kërkime shkencore. Ky pozicion ofron mundësi për të kontribuar në rritjen dhe përmirësimin e cilësisë akademike dhe profesionale, si dhe për të ndihmuar studentët të zhvillojnë aftësitë e tyre praktike dhe teorike në fushën e Infermierisë. 

Detyra dhe Përgjegjësitë                                                                                                             
1. Të njohë, të respektojë, të zbatojë dhe të veprojë në përputhje me legjislacionin dhe aktet ligjore të brendshme në fuqi;
2. Të zbatojë dispozitat e statutit dhe të rregulloreve të brendshme të institucionit;
3. Të zbatojë rregullat e etikës dhe të disiplinës në institucion, duke shmangur çdo lloj veprimi brenda dhe jashtë institucionit, që cënon imazhin e institucionit;
4. Të marrë përsipër detyra që lidhen me mbikqyrjen e studentëve, organizimin e konsultimeve dhe këshillimeve akademike;
5. Të angazhohet në realizimin e detyrave administrative në departament të cilat përcaktohen në udhëzimet përkatëse;
6. Të respektojë kohën në funksion të mësimdhënies sipas orarit zyrtar të miratuar për zhvillimin e orëve të leksioneve, seminareve, laboratoreve dhe praktikave;
7. Të përmbushë detyrimin për hartimin e programit lëndor (syllabusit) dhe dorëzimin pas miratimit nga drejtuesi i njësisë bazë sipas udhëzimeve në fuqi;
8. Të rrisë aftësitë profesionale akademike dhe të marrë pjesë në veprimtari formuese për këtë qëllim;
9. Të marrë pjesë në aktivitete kërkimore-shkencore dhe trajnime në përputhje me profilin e tij /saj (fushën e studimit), sipas nevojave dhe përcaktimeve të institucionit;
10. T’i nënshtrohet vlerësimit të performancës së personelit akademik;
11. Të raportojë në fund të cdo viti akademik për të gjitha aspektet e organizimit të mësimdhënies për disiplinën përkatëse sipas formatit të paracaktuar;
12. Të kontribuojë në zhvillimin, planifikimin, përditësimin dhe zbatimin e një kurrikule me cilësi të lartë;
13. Të ndihmojë në zhvillimin e materialeve të mësimit, dhe mbajtjen e shënimeve për të monitoruar progresin e studentit, arritjen dhe pjesëmarrjen të përditësojë materialet e mësimit dhe syllabusin;
14. Të marrë pjesë në seminaret e departamentit dhe fakultetit që kanë si qëllim prezantimin  e punëve kërkimore dhe ndërtimin e bashkëpunimit ndërdisiplinor brenda dhe jashtë departamentit;
15. Të marrë pjesë në zhvillimin, administrimin, korrigjimin e provimeve dhe në vlerësime të tjera;
16. Të kontribuojë në punët në grup të departamentit, fakultetit ose Universitetit “Western Balkans.

Edukimi dhe Kualifikimet
• Minimumi titull akademik Profesor i Asocuar ose Profesor në Infermieri
• Aftësi në gjuhën angleze: Niveli C1.
• Përvojë në mësimdhënie, tutorim ose mbikqyrje klinike.
• Pjesëmarrje në kërkime, publikime në revista të indeksuara, pjesëmarrje në konferenca.
• Eksperiencë profesionale në praktikën klinike të infermierisë.
• Aftësi të shkëlqyera komunikimi dhe bashkëpunimi.
• Përvojë në mësimdhënie në arsimin e lartë është përparësi.
• Aftësi për të udhëhequr dhe zhvilluar projekte kërkimore.
• Regjistrimi në Urdhrin e Infermierit

Proçedura e Aplikimit
Për të aplikuar, kandidati duhet të dërgojnë dokumentet e mëposhtme në adresën [email protected]:
1. Aplikimi përmes formularit të aplikimit në faqen e internetit të Universitetit “Western Balkans” (https://forms.gle/QTePdKM86PVvxR316)
2. Biografi Personale (Europass CV)