Profesor / Profesor i Asocuar me kohë të plotë në Departamentin e Mjekësisë në profilin Fizike

Rreth Universitetit “Western Balkans”
Universiteti “Western Balkans” (WBU) është një institucion i arsimit të lartë në Tiranë, me fokus të veçantë në Mjekësi, Shkenca Mjekësore, Teknologji, Ekonomi dhe Inovacion.
● Vizioni: Të ketë një ndikim transformues në shoqëri përmes inovacionit të vazhdueshëm në kërkime, arsim dhe sipërmarrje.
● Misioni: Të krijojë një përvojë arsimore transformuese për studentët, duke ofruar njohuri të thella disiplinore, aftësi udhëheqëse, komunikim dhe mirëqenie personale.

Përshkrimi i Pozicionit
Universiteti “Western Balkans” kërkon të angazhojë një Profesor/ Profesor i Asocuar me kohë të plotë në Fizike për të mbështetur programin e integruar të studimeve “Master i Shkencave në Mjekësi”, si dhe programet e tjera të ngjashme në fushën e shkencave mjekësore. Kandidati pritet të ofrojë mësimdhënie cilësore akademike në fushën e fizikës mjekësore, duke mbuluar konceptet themelore të fizikës që lidhen me funksionimin e organizmit të njeriut, proceset biofizike, si dhe parimet fizike të teknologjive diagnostikuese dhe terapeutike (si imazheria mjekësore dhe radioterapia). Ai/ajo duhet të sigurojë gjithashtu aplikimin e këtyre njohurive në praktikën klinike, duke kontribuar në përdorimin e sigurt dhe efikas të pajisjeve mjekësore dhe në përmirësimin e kujdesit ndaj pacientit.

Kandidati pritet të zotërojë një formim të fortë akademik dhe përvojë në mësimdhënie në fushën e fizikës mjekësore, duke mbuluar fusha kyçe si mekanika, termodinamika, elektromagnetizmi dhe optika, me theks në zbatimet e tyre në mjekësi, përfshirë proceset biofizike dhe parimet fizike të imazherisë mjekësore dhe radioterapisë. Ai/ajo duhet të kontribuojë në lidhjen e këtyre njohurive me praktikën klinike, duke mbështetur përdorimin e sigurt dhe efikas të teknologjive mjekësore.
Kërkohet gjithashtu një kuptim i thellë i rolit të fizikës në ekipet ndërdisiplinore të kujdesit shëndetësor, si dhe përkushtim ndaj angazhimit të studentëve, etikës profesionale dhe përdorimit të metodave bashkëkohore të mësimdhënies.

Ky pozicion ofron mundësinë për të kontribuar në formimin e mjekëve të ardhshëm përmes përmirësimit të kurrikulës dhe integrimit të qasjeve bashkëkohore në mësimdhënie dhe të procesit të të nxënit.

Detyra dhe Përgjegjësitë                                                                                                             
1. Të njohë, të respektojë, të zbatojë dhe të veprojë në përputhje me legjislacionin dhe aktet ligjore të brendshme në fuqi;
2. Të zbatojë dispozitat e statutit dhe të rregulloreve të brendshme të institucionit;
3. Të zbatojë rregullat e etikës dhe të disiplinës në institucion, duke shmangur çdo lloj veprimi brenda dhe jashtë institucionit, që cënon imazhin e institucionit;
4. Të marrë përsipër detyra që lidhen me mbikqyrjen e studentëve, organizimin e konsultimeve dhe këshillimeve akademike;
5. Të angazhohet në realizimin e detyrave administrative në departament të cilat përcaktohen në udhëzimet përkatëse;
6. Të respektojë kohën në funksion të mësimdhënies sipas orarit zyrtar të miratuar për zhvillimin e orëve të leksioneve, seminareve, laboratoreve dhe praktikave;
7. Të përmbushë detyrimin për hartimin e programit lëndor (syllabusit) dhe dorëzimin pas miratimit nga drejtuesi i njësisë bazë sipas udhëzimeve në fuqi;
8. Të rrisë aftësitë profesionale akademike dhe të marrë pjesë në veprimtari formuese për këtë qëllim;
9. Të marrë pjesë në aktivitete kërkimore-shkencore dhe trajnime në përputhje me profilin e tij /saj (fushën e studimit), sipas nevojave dhe përcaktimeve të institucionit;
10. T’i nënshtrohet vlerësimit të performancës së personelit akademik;
11. Të raportojë në fund të cdo viti akademik për të gjitha aspektet e organizimit të mësimdhënies për disiplinën përkatëse sipas formatit të paracaktuar;
12. Të kontribuojë në zhvillimin, planifikimin, përditësimin dhe zbatimin e një kurrikule me cilësi të lartë;
13. Të ndihmojë në zhvillimin e materialeve të mësimit, dhe mbajtjen e shënimeve për të monitoruar progresin e studentit, arritjen dhe pjesëmarrjen të përditësojë materialet e mësimit dhe syllabusin;
14. Të marrë pjesë në seminaret e departamentit dhe fakultetit që kanë si qëllim prezantimin  e punëve kërkimore dhe ndërtimin e bashkëpunimit ndërdisiplinor brenda dhe jashtë departamentit;
15. Të marrë pjesë në zhvillimin, administrimin, korrigjimin e provimeve dhe në vlerësime të tjera;
16. Të kontribuojë në punët në grup të departamentit, fakultetit ose Universitetit “Western Balkans

Edukimi dhe Kualifikimet
● Minimumi i titullit akademik Profesor ose Profesor i Asocuar në Fizikë
● Aftësi në gjuhën angleze: Niveli C1.
● Përvojë në mësimdhënie akademike, mbikëqyrje klinike ose trajnime mjekësore.
● Publikime shkencore në fushën e fizikës ose disiplina të lidhura me shkencat shëndetësore përbëjnë avantazh.
● Përvojë në drejtimin ose realizimin e seancave praktike laboratorike, studimeve të rasteve ose simulimeve të praktikës profesionale në fizikë është e dëshirueshme.

Proçedura e Aplikimit
Për të aplikuar, kandidati duhet të dërgojë dokumentet e mëposhtme në adresën [email protected]:
1. Aplikimi përmes formularit të aplikimit në faqen e internetit të Universitetit “Western Balkans” (https://forms.gle/QTePdKM86PVvxR316)
2. Biografi Personale (Europass CV)