Specialist Blerjesh pranë zyrës së financës

Bazuar në nenin 64 të Statutit të Universitetit “Western Balkans”, ju njoftoj për shpalljen e pozicionit vakant të punës të kategorisë “specialist blerjesh” pranë zyrës së financës sipas kritereve të përcaktuara në shtojcën bashkëlidhur.

Detyrat kryesore dhe përgjegjësitë për kategorinë specialist/e finance blerjesh:

Përgjegjës për zhvillimin dhe mbajtjen e një metodologjie të kostos së produktit dhe të projektit, duke përfshirë alokimin e saktë të shpenzimeve dhe të ardhurave për departamentin funksional (qendrat e fitimit / kostos);

Përgjegjës për zbatimin e udhëzimeve për të gjitha detyrat që lidhen me analizën financiare / profitabilitetit që duhet të zhvillohen për llogari të kompanisë;

Përgjegjës për kontabilizimin e faturave të blerjes në fund të çdo dite dhe siguron që shifra e saktë të raportohet në fund të çdo dite / muaji / viti financiar dhe reflektohet siç duhet në sistem;

Përgjegjës për konsolidimin e rregullt dhe barazimin e bilancit të shpenzimeve dhe furnitorëve në fund të çdo dite dhe siguron se shifra e saktë raportohet në fund të çdo muaji/viti financiar dhe çdo ndryshim dokumentohet dhe reflektohet siç duhet në sistem;

Përgjegjës për analizën specifike financiare në nivelin e qendrës së fitimit/kostos për departamentet, njësitë, shërbimet, etj;

Përgjegjës për konsolidimin e rregullt të bilancit material dhe të inventarit dhe në fund të vitit kalendarik / financiar kryhet në përputhje me standardet e kërkuara dhe rregullat e kontabilitetit;

Përgjegjës për orientimin, monitorimin, kontrollimin dhe raportimin e kostove administrative dhe operative për çdo departament. Skema e saktë e shpërndarjes zbatohet dhe azhornohet në çdo nivel / dimension të raportimit;

Siguron që dokumentacioni ligjor është në përputhje me rregulloren ligjore dhe tatimore dhe propozon ndryshime tek Menaxheri i Financës;

Siguron që evidencat dhe dokumentacioni mbështetës të paraqiten në bazë të një sistemi të mirëmbajtjes dhe arkivimit të rregulluar;

Siguron cilësinë dhe rëndësinë e raportimit të brendshëm.

Diplomë në degën Financë-Kontabilitet ose fusha të ngjashme;

Minimumi 3 vjet eksperiencë pune si Specialiste Blerjesh;

Njohje shumë të mirë të paketës Microsoft Office (veçanërisht Excel);

Njohje shumë e mirë e gjuhës Angleze;

Përbën avantazh njohja e sistemit Financa 5;

Aftësi për të punuar në grup.