Asistent Lektor me kohë të pjesshme në Menaxhim i të dhënave mjekësore

 

Universiteti “Western Balkans” (WBU) është një institucion i arsimit të lartë në Tiranë, me fokus të veçantë në Mjekësi, Shkenca Mjekësore, Teknologji, Ekonomi dhe Inovacion.

·         Vizioni: Të ketë një ndikim transformues në shoqëri përmes inovacionit të vazhdueshëm në kërkime, arsim dhe sipërmarrje.

·         Misioni: Të krijojë një përvojë arsimore transformuese për studentët, duke ofruar njohuri të thella disiplinore, aftësi udhëheqëse, komunikim dhe mirëqenie personale.

Universiteti “Western Balkans” kërkon të angazhojë një Asistent Lektor me kohë të pjesshme në profilin e Menaxhimit të dhënave mjekësore. Lektori pritet të jetë i aftë të shpjegojë njohuritë bazë si dhe ato të thelluara mbi historikun e dokumenteve mjekësore, transferimin e informacionit bazë për regjistrimin e dokumenteve, rregulloret e dokumentacionit mjekësor dhe kompetencat e regjistrit mjekësor dhe arkivimit. Lektori gjithashtu duhet të ketë njohuri shumë të mira mbi menaxhimit e të dhënave dhe planifikimin e burimeve të informacionit institucional shëndetësor. Ai duhet të zotërojë aftësi në mënyrën e mbledhjes së të dhënave, aksesin dhe marrjen e informacionit dhe dizajnimin e modelit të duhur për organizimin, analizën dhe interpretimin e tyre, në përputhje me standardet dhe nevojat institucionale, si dhe t’i përcjelli këto njohuri në mënyrë efektive tek studentët.

Ky pozicion ofron mundësi për të kontribuar në rritjen dhe përmirësimin e cilësisë akademike dhe profesionale, si dhe për të ndihmuar studentët të zhvillojnë aftësitë e tyre praktike dhe teorike në këtë fushë të rëndësishme.  

·         Të njohë, të respektojë, të zbatojë dhe të veprojë në përputhje me legjislacionin dhe aktet rregulluese në fuqi;

·         Të zbatojë dispozitat e statutit dhe të rregulloreve të brendshme të institucionit;

·         Të zbatojë rregullat e etikës dhe të disiplinës në institucion, duke shmangur çdo lloj veprimi brenda dhe jashtë institucionit, që cënon imazhin e institucionit; 

·         Të angazhohet plotësisht në realizimin e detyrave akademike dhe administrative në departament të cilat përcaktohen në udhëzimet përkatëse.

·         Të respektojë kohën në funksion të mësimdhënies sipas orarit zyrtar të miratuar për zhvillimin e orëve të leksioneve, seminareve, laboratoreve dhe praktikave; 

·         T’i nënshtrohet vlerësimit të performancës së personelit akademik; 

·         Të raportojë në fund të çdo viti akademik për të gjitha aspektet e organizimit të mësimdhënies për disiplinën përkatëse sipas formatit të paracaktuar; 

·         Të përgatisë materialet e mësimit, të përditësojë materialet e mësimit dhe syllabusin të mbajë shënime për të monitoruar progresin e studentit, arritjen dhe pjesëmarrjen;

·         Të marrë pjesë në aktivitetet e departamentit dhe fakultetit që kanë si qëllim prezantimin e punëve kërkimore dhe ndërtimin e bashkëpunimit ndërdisiplinor brenda dhe jashtë departamentit;

·         Të marë përsipër vazhdimin e formimit të tij akademik me gradën pasardhëse, gjatë periudhës 3-5 vite nga momenti i marrjes së grades aktuale;

·         Të kontribuojë në punët në grup të departamentit, fakultetit ose Universitetit “Western Balkans”.

·         Të mos shfrytëzojnë marrëdhëniet profesionale me studentët për qëllime private dhe mos të përdorin ndihmën e studentëve për qëllime private pasi përbën konflikt interesi dhe ndikim të paligjshëm;

·         Të marrin pjesë në aktivitete kërkimore shkencore në emër të universitetit.

·         Të zotërojë Diplomë Master të Shkencave

Për të aplikuar, kandidati duhet të dërgojnë dokumentet e mëposhtme në adresën hr@wbu.edu.al: