Praktikat në fokus, WBU nënshkruan marrëveshje bashkëpunimi me RE-ALIS | Western Balkans University

Praktikat në fokus, WBU nënshkruan marrëveshje bashkëpunimi me RE-ALIS

Kreu >Lajmet e fundit >Praktikat në fokus, WBU nënshkruan marrëveshje bashkëpunimi me RE-ALIS

Universiteti Western Balkans ka nënshkruar një marrëveshje bashkëpunimi me kompaninë gjermane RE-ALIS GmbH, e cila sjell përfitime të drejtpërdrejta për studentët dhe alumnit e programit të Infermierisë. 

Marrëveshja u nënshkrua nga Rektori i Universitetit Western Balkans, Prof. Dr. Ferdinand Gjana, dhe CEO i RE-ALIS GmbH, Simon Jäger. Kjo marrëveshje u hap rrugën studenteve për praktika klinike, trajnime gjuhësore, dhe punësim të strukturuar në spitale të njohura në Gjermani. 

Përmes këtij bashkëpunimi, studentët do të kenë akses në: 
Bursa të mbuluara nga spitalet partnere në Gjermani 
Praktikë profesionale gjatë sezonit veror 
Kurse intensive të gjuhës gjermane dhe mbështetje administrative për procesin e integrimit 
Trajnime, seminare dhe shkëmbime akademike ndërkombëtare 

Ky projekt është një hap konkret drejt përgatitjes së brezit të ri të profesionistëve të shëndetësisë, të gatshëm për të punuar dhe kontribuar në sisteme shëndetësore ndërkombëtare.